ԱՄՆ պետքարտուղար Էնթոնի
Բլինքենը հեռախոսազրույց է ունեցել Ադրբեջանի նախագահ Իլհամ Ալիևի հետ, որի
ընթացքում ընդգծել է Հայաստանի և Ադրբեջանի միջև խաղաղության պայմանագրի
շուտափույթ կնքման կարևորությունը։ Այս մասին հայտնել է Պետդեպարտամենտի մամուլի ծառայությունը։
Բլինքենը կրկին հայտարարել է, որ Միացյալ Նահանգները պատրաստ է աջակցել հետագա փոխգործալցությանը «կողմերի համար օգտակար ցանկացած ձևով»:
«Պետքարտուղարը հատուկ ուշադրություն է դարձրել Ադրբեջանի կողմից միջազգային պարտավորությունների կատարման վրա՝ մարդու
իրավունքների պաշտպանության ոլորտում, և կոչ արել շատ կարճ ժամկետներում ազատ արձակել բոլոր անօրինական կալանավորվածներին»,- ասվում է հայտարարության մեջ:
Ընդգծելով երկկողմ
հարաբերությունների կարևորությունը՝ պետքարտուղարը նշել է Ադրբեջանի հետ
կառուցողական համագործակցությունը կլիմայական և էներգետիկ ընդհանուր խնդիրների իրագործման
հարցում։ Նա նաև նշել է, որ ԱՄՆ-ը պատրաստ է կազմակերպչական աջակցություն
ցուցաբերել COP29 համաժողովի բարեհաջող անցկացման համար։
Բլինքենը նաև կոչ է արել «թարմացնել և
ամրապնդել» երկկողմ հարաբերությունները Միացյալ Նահանգների և Ադրբեջանի միջև։
